Tuesday, August 16, 2022
Homeஆன்மிகம்உரும்பிராய் கற்பக விநாயகர் மஹோற்சவப் பெருந் திருவிழா நாளை ஆரம்பம்(Photos)

உரும்பிராய் கற்பக விநாயகர் மஹோற்சவப் பெருந் திருவிழா நாளை ஆரம்பம்(Photos)

உரும்பிராய் ஓடையம்பதி கற்பக விநாயகர் ஆலய வருடாந்த மஹோற்சவப் பெருந் திருவிழா நாளை புதன்கிழமை(29.6.2022) காலை-9 மணிக்கு கொடியேற்றத்துடன் ஆரம்பமாக உள்ளது.

தொடர்ந்தும் பதினைந்து தினங்கள் காலை, மாலை உற்சவங்களாக இவ்வாலய மஹோற்சவப் பெருந் திருவிழா இடம்பெறும்.

இவ்வாலய மஹோற்சவப் பெருந் திருவிழாவில் எதிர்வரும்-8 ஆம் திகதி வெள்ளிக்கிழமை மாலை திருமஞ்ச உற்சவமும், 9 ஆம் திகதி சனிக்கிழமை கைலாசவாகன உற்சவமும், எதிர்வரும்-11 ஆம் திகதி திங்கட்கிழமை இரவு சப்பைரத உற்சவமும், 12 ஆம் திகதி செவ்வாய்க்கிழமை காலை-7.30 மணிக்குத் தேர்த் திருவிழாவும், மறுநாள் புதன்கிழமை காலை-8 மணிக்கு வசந்த மண்டப பூசையைத் தொடர்ந்து தீர்த்தத் திருவிழாவும், அன்றையதினம் இரவு கொடியிறக்க உற்சவமும் நடைபெறும் என மேற்படி ஆலய பரிபாலன சபையினர் தெரிவித்துள்ளனர்.

(செய்தித் தொகுப்பு மற்றும் படங்கள்:- செ.ரவிசாந்)

RELATED ARTICLES

Most Popular