யாழில் வாகனங்கள் நேருக்கு நேர் மோதி விபத்துக்குள்ளானதில் ஆறு பேர் படுகாயம்

யாழ்ப்பாணம்- சாவகச்சேரி தனங்கிளப்பு பகுதியில் வியாழக்கிழமை (28) டிப்பர் ரக வாகனமும் பட்டா ரக வாகனமும் நேருக்கு நேர் மோதி விபத்துக்குள்ளானதில் 6 பேர் படுகாயமடைந்துள்ளனர்.

யாழ்.நகரிலிருந்து பூநகரி நோக்கிச் சென்று கொண்டிருந்த பட்டா ரக வாகனமும், யாழ்.நகர் நோக்கி வந்து கொண்டிருந்த டிப்பர் ரக வாகனமும் நேருக்கு நேர் மோதி விபத்துக்குள்ளாகின.

இந்நிலையில் சம்பவத்தில் ஆறு பேர் படுகாயமடைந்த நிலையில் யாழ்ப்பாணம் போதனா வைத்தியசாலையில் சிகிச்சைகளுக்காக அனுமதிக்கப்பட்டுள்ளதாகத் தெரிய வருகின்றது.