fbpx
TamilTwin News | Tamil News, Entertainment, Articles and more
Home » பிலவ வருட பொது பலன்கள்
செய்திகள் ஜோதிடம்

பிலவ வருட பொது பலன்கள்

ஏப்ரல்- 14 ஆம் திகதி தமிழ் புத்தாண்டு கொண்டாடப்படுகிறது. இந்தாண்டு தமிழ் ஆண்டுகள் வரிசைப்படி பிலவ வருடம் தொடங்குகிறது.

அடுத்த ஒரு வருடம் பிலவ வருடப்படி எப்படிப்பட்ட பலனை மக்கள் பெறப் போகின்றனர். விவசாயம், மழை, யார் நம்மை ஆளப்போகிறார்கள், கிரகப் பெயர்ச்சி எப்போது நடக்கும், கிரகணங்கள் எத்தனை போன்ற பல்வேறு விபரங்களை விரிவாக பார்ப்போம்.

பிலவ வருடம் என்றால் என்ன?

பொதுவாக தமிழ் புத்தாண்டு தினத்தில் தான் பஞ்சாங்கம் வரும். ஏனென்றால் அது தான் சூரியனின் பயண காலம். ஆத்ம காரகனான சூரியன் மேஷத்தில் உச்சம் அடைந்து தொடங்கக்கூடியது தான் புத்தாண்டு. இந்த சூரியனின் பயணம் எப்படி இருக்கிறதோ அதேபோல தான் மனிதர்களுடைய பயணமும், பலன்களும் இருக்கும். அதனால் தான் சூரியன் உச்சம் இருக்கக்கூடிய இந்தக் காலத்தில் தான் பஞ்சாங்கம் எழுதி இந்த ஆண்டு எப்படி இருக்கும் என்பதை சொல்வார்கள்.

தமிழ் ஆண்டுகள் மொத்தம் 60 உள்ளன. இந்த ஆண்டுகள் ஒரு வரிசையான சுழற்சி ஆகின்றன. அதில் 35 ஆவதாக வருவது தான் பிலவ வருடம்.

​பிலவ ஆண்டு கிரக நிலை

கால சக்கரத்தில் 10 ஆவதாக இருக்கும் மகர ராசியில் சனி பகவான் ஆட்சி பெற்று அமர்ந்து இருக்கிறார். கும்பத்தில் குரு அதிசார பெயர்ச்சி பெற்று இருக்கிறார். செப்டம்பர் 14 இல் வக்ர நிலை பெற்று மீண்டும் மகரத்திற்குத் திரும்புவார். பின்னர் நவம்பர் 20 இல் மீண்டும் கும்ப ராசிக்கு நேர் கதியில் சாதாரண குரு பெயர்ச்சி அடைவார். கேது விருச்சிகத்தில் உச்சமாக இருக்கிறார். ராகு ரிஷபத்தில் உள்ளார்.

ஆண்டு தொடங்கும் போது உள்ள கிரக நிலவரம்

மேஷத்தில் சூரியன், புதன், சூரியன்

ரிஷபத்தில் ராகு

மிதுனத்தில் செவ்வாய்

விருச்சிகத்தில் கேது

மகரத்தில் ஆட்சி பெற்ற சனி

கும்பத்தில் அதிசார பெயர்ச்சி பெற்ற குரு

பிலவ வருடப் பொது பலன்கள்

கொரோனா பாதிப்பு மீண்டும் அதிகரித்து வரக்கூடிய இந்த இந்தப் பிலவ வருடத்தில் ஜூன் மாதம் முதல் ஆகஸ்ட் மாதம் வரை சற்று கவனமாக இருக்க வேண்டிய காலமாக இருக்கும். பெண்களுக்கு மிகவும் உகந்த ஆண்டாக இருக்கும் இந்தப் பிலவ வருடத்தில் திருமணத்திற்காகக் காத்திருக்கும் பெண்களுக்கு அவர்களுக்கு ஏற்ற வரன் விரைவில் அமையும். பெண்களுக்கான ஆரோக்கியம் அதிகரிக்கும். பிள்ளைப் பாக்கியம் உண்டாகும்.

பத்திரிகை, ஊடகங்களின் வளர்ச்சி சிறப்பாக இருக்கும்.

பிலவ வருடம் சுக்கிர திசையில் ஆரம்பிப்பதால் இந்த ஆண்டு மழைப் பொழிவு சுமாராக இருக்கும். இதனால் விவசாயம் பெரியளவில் பாதிக்கப்படாது. இருப்பினும் சில இடங்களில் விவசாயம் பாதிக்கப்படலாம். அதே போல் கால்நடைகள் இதனால் பாதிக்கும். பயிர் விதைப்பின் போது ஆலோசனை தேவை. பலருக்கும் வெளிநாடு, வெளிமாநிலம் செல்ல வேண்டும் என முயல்பவர்களுக்கு அந்த ஆசை நிறைவேறும்.

சனி ஆட்சி பெற்ற வீட்டில் குரு இருக்கிறார். இதனால் தேர்தல் முடிவுகள் மக்களை சார்ந்ததாக இருக்கும்.

ஆரோக்கியத்தில் கவனம் தேவை

பிலவ வருடத்திற்கு ராஜாவான செவ்வாய் பகவான் வருகிறார். இதன் காரணமாக யாராக இருந்தாலும் அவர்களின் ஆரோக்கியத்தில் சற்றுக் கூடுதல் அக்கறை எடுத்துக் கொள்வது அவசியம். புதுவித நோய்த்தொற்று ஏற்பட வாய்ப்புள்ளது.

குருவின் பெயர்ச்சி மூன்று முறை நிகழக்கூடியதாக இருப்பதால் அதாவது தற்போது ஏப்ரல் 5 இல் மகரத்திலிருந்து கும்பத்திற்கு அதிசாரமாக சென்றிருக்கக்கூடிய குரு பகவான் செப்டம்பரில் மகரத்திற்குத் திரும்புவார்.

நவம்பர் 13 இல் மகரத்திலிருந்து முறைப்படி கும்பத்திற்கு பெயர்ச்சி ஆவார். பின்னர் 2022 இல் பங்குனி மாதத்தில் மீண்டும் கும்பத்திலிருந்து மீன ராசிக்கு அதிசாரமாக செல்லக்கூடும். அதனால் மூன்றும் முறை இந்த நிகழ்வு நடக்கிறது.

பெண்கள்

பெண்களுக்கு மிகவும் ஏற்ற ஆண்டாக இந்த பிலவ வருடம் இருக்கும். அவர்களின் சொல்படி உலகம் இயங்கக்கூடிய நிலை இருக்கும். பெண்களின் முன்னேற்றம், முன்னுரிமை கிடைக்கலாம்.

அவர்களுக்கு உடல் நலனில் அக்கறை தேவை. தைராய்டு பிரச்சினை ஏற்பட வாய்ப்புள்ளது. குழந்தைப் பிறப்பில் பிரச்சினை தோன்றும். உலகளவில் இந்தப் பிரச்சினை அதிகரிக்கும். இந்தாண்டு ராகு – கேது பெயர்ச்சியும், குரு பெயர்ச்சி என முக்கியத்துவம் வாய்ந்த இரு பெரிய கிரக பெயர்ச்சி நிகழும். ஆனால் சனிப் பெயர்ச்சி இந்தாண்டு கிடையாது.

கிரகணங்கள் :

இந்தாண்டு இரண்டு சூரிய கிரகணங்களும், இரண்டு சந்திர கிரகண நிகழ்வுகளும் நிகழ உள்ளது.

Related posts

திருக்கோவில் பகுதியில் மின்னல் தாக்கியதால் இருவர் பலி

SL News

கொரோனா வைரஸை எதிர்கொள்ள இலங்கை தயாராக உள்ளது

World News

யாழில் இளைஞர் மீது வாள்வெட்டு! சிகிச்சைக்காக வைத்தியசாலையில் அனுமதி

World News